సత్యనారాయణపురంలో హోంమంత్రి వంగలపూడి అనిత పర్యటించి నూతనంగా నిర్మించిన పోలీస్ స్టేషన్‌ను ప్రారంభించారు. ఈ సందర్భంగా మంత్రి మాట్లాడుతూ, నేరాల నివారణకు మరియు శాంతిభద్రతల పరిరక్షణకు ఏపీ పోలీసులు టెక్నాలజీని వినియోగించడంలో దేశంలోనే ముందున్నారని ప్రశంసించారు. నేరం జరిగిన 24 గంటల్లోనే నిందితులను పట్టుకునే స్థాయికి పోలీసు వ్యవస్థ ఎదిగిందని చెప్పారు. గంజాయి నిర్మూలనలో ఈగల్ టీమ్ విశేషంగా పనిచేస్తోందని ఆమె పేర్కొన్నారు. కూటమి ప్రభుత్వం వచ్చిన తరువాత ప్రజలు సంతోషంగా ఉన్నారని, శాంతియుత వాతావరణం నెలకొనిందని హోంమంత్రి అనిత తెలిపారు.